تبادل لینک هوشمند 
<-PollName->
خبرنامه وب سایت:
آمار
وب سایت:
 |
دو شنبه 14 اسفند 1396 |
قایتار منی
********
یُورولدوم بیرداها بئله زاماندان
چؤکوب درد کدریم جوشان قانیما
نیسگیللر سالدیلار منی آیاقدان
قایتار منی اوشاقلیق دورانیما
عجب زمانه دیر عجب دنیا دیر
چوخالیب اؤزلرین اوجوز ساتانلار
یُوخسوللاری ایندی گؤر نه اوینا دیر
گون اورتادان سونرا پولا چاتانلار
دونیادا بو رسم و بو عادت ندیر
قالمیشام دونیانین قیل و قالینا
هئچ دییَن یوخدور بو سیاست ندیر
یانان یوخ بیزلرین یانان حالینا
بیز گئدن یوللاردا قالانیب داشلار
ساغ سولا آشیریق یئریش بیلینمیر
قارداشی ساتیرلار ایندی قارداشلار
کسیبلر دیللری دئییش بیلینمیر
اوغلانلار آتاسین ، قیزلار آناسین
الان کی زاماندا راحات دانیرلار
اؤزگه دن آلدیقی او بیر داناسین
اؤزلرینه گؤزل دونیا سانیرلار
"آتا به ی " گؤردویون ایگیدلر هانی
بو سؤزلر داغلارین بیر پاراسی دیر
آچ گؤزون بیر داها دونیانی تانی
اویان بیر یوخودان گؤر هاراسی دیر .
*******
96/10/13
#شاعیر : ابوالفضل کریمی ( آتا به ی )
نظرات شما عزیزان:
:: برچسب‌ها: اشعار مدرن و جدید ترکی از ابوالفضل کریمی ( آتا به ی ),
 نویسنده : ابوالفضل کریمی ( آتا به ی )
 |
    |
